Emakumeen genitalen mutilazioa: eraldatzeko entzutea.
Euskadin bizi diren emakume afrikarren ahots horiek agerian usten dute zer oztopok zailtzen dituzten oraindik prebentzioa, arreta eta beren eskubideak benetan baliatzea. Funtezko zerbait ere erakusten dute: emakume horiek dagoeneko aldaketa bultzatzen ari dira.
Farmamundik azterlan bat bultzatu du Euskadin bizi diren emakume afrikarrek genero-indarkeriaren eta emakumeen genitalen mutilazioaren inguruan dituzten esperientziak ezagutzeko.
Ikerketak emakume horien esperientziak, beharrak eta proposamenak aztertzen ditu, prebentzioa, arreta eta babesa hobetzeko, giza eskubideetan, genero-ikuspegian, kulturartekotasunean eta intersekzionalitatean oinarritutako ikuspegitik.
Euskadin bizi diren 34 emakume afrikarrek parte hartu dute ikerketan.
Osasunaren, gizarte-arloaren eta nazioarteko lankidetzaren esparruetako profesionalek ere parte hartu zuten, eta emaitzak modu parte-hartzailean kontrastatu eta baliozkotu ziren.
Azterlanak agerian uzten duena
Emakumeen genitalen mutilazioa emakumeen autonomia eta eskubideak mugatzen dituzten gizarte-arauei eta botere-harremanei lotuta dago.
Ondorio fisikoek, emozionalek eta psikologikoek urte luzez iraun dezakete, eta ongizatean, harremanetan eta sexualitatean eragina izan dezakete.
Eskubideen inguruko ezjakintasunak, arreta- eta babes-ibilbideen konplexutasunak eta koordinazio faltak zaildu egiten dute oraindik arreta eta babesa eskuratzea.
Kulturarteko gaitasuna eta espazio seguruak funtsezkoak dira arreta errespetuzkoa eta egokia eskaintzeko.
Parte-hartzaileek funtsezko zeregina dute prebentzioan, laguntzan eta beren familia eta komunitateetako eraldaketan.
Ekintzarako ibilbide orria
Azterlanak neurri zehatzak proposatzen ditu administrazio publikoentzat, osasun-sistemarentzat, gizarte-zerbitzuentzat, komunitate-erakundeentzat eta prestakuntza- eta ikerketa-eremuetarako.
Gomendioek koordinazioa, prestakuntza espezializatua, oztopoak murriztea, arreta integrala eta emakumeen beraien parte-hartze aktiboa jartzen dituzte erdigunean.
Ekintzara igarotzeko hamar gako
Prebentzioan, arretan eta eskubideen bermean aurrera egiteko gako nagusiak biltzen dituen baliabide labur eta praktikoa